ഞാനൊരു പാവം പാലാക്കാരന്‍

സൈക്കിള്‍

>> Monday, June 16, 2008

മലകളും, കുന്നും, തോടും, റബര്‍ മരങ്ങളും, കപ്പ, ചേന, കൊക്കോ, ജാതി, മുതലായ എല്ലാ വിധ ക്രിഷികളും ഉള്ള ഫലഭൂയിഷ്ടമായ ഗ്രാമപ്രദേശം. അതായിരുന്നു എലിക്കുളം എന്ന നാമത്തില്‍ അറിയപ്പെടുന്ന ഞങ്ങളുടെ അമ്മവീടിരിക്കുന്ന കൊച്ചു ഗ്രാമം. കാലഘട്ടം ഏകദേശം 25 വര്‍ഷം പുറകില്‍. MMS എന്ന black & white private ബസ്സുകാരുടെ monopoly ആയിരുന്ന പാലാ പൊന്‍കുന്നം റൂട്ടില്‍ സ്പീഡില്‍ പോകുന്ന ksrtc മണക്കടവ് ഫാസ്റ്റിന്റെ ഡ്രൈവര്‍ പാക്കരന്‍ ചേട്ടനും, ഭയങ്കര സ്പീഡില്‍ എന്ന വ്യാചേന ഇരപ്പിച്ചു വരുന്ന മാറ്റൊരു കളര്‍ ബസ്സായ MMS Express ന്റെ ഡ്രൈവര്‍ സെബാനും ഹീറോകളായിരുന്ന സമയം. (അന്നൊക്കെ MMS നു പെയിന്റ്, സ്പോഞ്ച് സീറ്റ്, സ്പീഡ് ഇതൊന്നും ഇല്ലായിരുന്നു, കാരണം വേറൊരുരുത്തരുടെയും ബസ് അവിടെ ഓടാന്‍ അവര്‍ സമ്മതിച്ചിരുന്നില്ല. അതിനാല്‍ തന്നെ മുതലാളിയെക്കാള്‍ ജാടയുള്ള തൊഴിലാളികള്‍ അയിരുന്നു അന്നു MMS ല്‍ ഉണ്ടായിരുന്നത്.) Ambasidor, Willies Jeep, Bullet, Yesdy, Trucker ഇതൊക്കെ നാട്ടിലെ മമ്മൂട്ടി മോഹന്‍ലാല്‍ മാര്‍ക്കും, റാലി, ഹെര്‍കുലീസ്, BSA SLR എന്നിവ ജഗതി,തിലകന്‍,കുഞ്ചാക്കോമാര്‍ക്കും സ്വന്തമായുണ്ടായിരുന്ന കാലം.
എല്ലാവരും അവധിക്കാലം ചിലവഴിക്കുന്ന അമ്മവീട് ഞങ്ങളെ സംബന്ധിച്ചിടത്തോളം സാഹചര്യങ്ങളുടെ സമ്മര്‍ദ്ദം മൂലം ജോലികളുടെ കാര്യത്തില്‍ സ്വന്തം വീടും അവകാശങ്ങളുടെ കാര്യത്തില്‍ അന്യവീടും ആയി മാറി. അമ്മവീട്ടില്‍ നിന്നു പിള്ളേര്‍ പിഴച്ചു പോയി എന്ന് നാട്ടുകാരെ കൊണ്ടും കുടുംബക്കാരെ കൊണ്ടും പറയിക്കരുതല്ലോ എന്നു കരുതി വളരെ strict ആയ ജീവിതം ആയിരുന്നു ഞങ്ങളുടേത്. വല്ല്യപ്പന്‍, വല്ല്യമ്മ, അമ്മാവന്മാര്‍‍, അമ്മായിമാര്‍ തുടങ്ങി അവിടെ വരുന്ന എല്ലവര്‍ക്കും പിള്ളേരെ വളര്‍ത്തലിന് ബയോളജി ലാബിലെ തവളകള്‍ പോലെ ആയിരുന്നു ഞങ്ങള്‍ 4 സഹോദരങ്ങള്‍. എങ്കിലും സ്തലത്തിന്റെ വിസ്ത്രിതി കൊണ്ടും ജാതിക്ക പറിക്കല്‍, റബ്ബറിന്റെ 2 ആം പാല്‍ എടുക്കല്‍, കൊക്കോ കായ് പറിക്കല്‍, ഉണങ്ങി വീഴുന്ന ചൂട്ട്, കൊതുമ്പ്, തേങ്ങാ എന്നിവ പെറുക്കല്‍ തുടങ്ങിയ വീട്ടു ജോലികള്‍ക്കിടെ മരംകയറ്റം തോട്ടില്‍ ചാട്ടം മുതലായ സുകുമാര കലകളുമായി ആസ്വദിച്ചു ജീവിക്കുകയും അവസാനത്തെ 2 പരിപാടികള്‍ക്ക് ഇടക്കിടെ അടിവാങ്ങുകയും ചെയ്ത് ജീവിതം മുമ്പോട്ടു പൊയ്ക്കോണ്ടിരുന്നു.
ആകെ ഞങ്ങള്‍ക്ക് ഇത്തിരി അഹങ്കരിക്കാനുള്ള സമയം അവുധിക്കാലത്ത് ബാക്കി കസിന്‍സ് ഒക്കെ വരുമ്പോളാണ്. പട്ടണങ്ങളില്‍ ജീവിച്ചു വരുന്ന അവര്‍ക്ക് പറമ്പിലൂടെ അവരെ നയിച്ചുകൊണ്ട് നടക്കുന്ന നമ്മള്‍ സിനിമയിലെ അത്ര വരില്ലെല്‍ങ്കിലും കുറഞ്ഞ പക്ഷം സീരിയലിലെ എങ്കിലും നായകനാവനുളള യോഗ്യത ഉള്ളവര്‍ ആണാല്ലോ. ചക്കപ്പഴം, കൈതച്ചക്ക, നാടന്‍ മാമ്പഴം, ചാമ്പങ്ങ എന്നിവ ഞങ്ങളുടെ അധികാര പരിധിയില്‍ പെട്ട എപ്പോഴും available ആയ പഴങ്ങളും കരിക്ക്, മള്‍ഗോവ, ആനിക്കാവിള, ഓറഞ്ച്, ആപ്പിള്‍ മുതലായ items നിങ്ങള്‍ എപ്പോളും തിന്നുന്നതല്ലേ എന്നു പറഞ്ഞ് കസിന്‍സിനു മാത്രം കൊടുക്കുന്ന കിട്ടാക്കനികളും ആയിരുന്നു എങ്കിലും ഇതൊക്കെ ഞങ്ങള്‍ തിന്നു മടുത്തതിന്റെ ബാക്കിയല്ലേ എന്ന ഭാവം വരുത്താന്‍ ശ്രമിച്ച് (പരാജയപ്പെടാറുണ്ടായിരുന്നു എന്നു വാസ്തവം) എല്ലാ കാര്യങ്ങളിലും നമ്മള്‍ ഭയങ്കര ഉസ്താദുക്കള്‍ ആണെന്നു നടിച്ചു നടക്കുന്ന കാലം. പോരാത്തതിന് ആണുങ്ങളില്‍ മൂത്തവന്‍ ഞാന്‍, മോശമാവാന്‍ പാടില്ലല്ലോ? അങ്ങനെ പൊതുവേ സാ‍ഹസിക പ്രിയനായ ഞാന്‍ ഇളയവരായ സഹോദരങ്ങള്‍ക്കും കസിന്‍സിനും ഇടയില്‍ അവരുടെ സങ്കല്പങ്ങള്‍ക്കു തിരികൊളുത്താനായി കൂടുതല്‍ സാഹസികത കാണിക്കുകയും അതില്‍ കൂടുതല്‍ അവരോടു വിവരിക്കുകയും ചെയ്തിരുന്നു. കക്കൂസില്‍ വരെ ഒറ്റക്കു പോകാന്‍ പേടിയുള്ള ഞാന്‍ അവിടെ കൂട്ടിനായാണ് അവരെ വിളിച്ച് കൂടുതല്‍ സങ്കല്പ സാഹസിക കഥകള്‍ കേള്‍പിച്ചിരുന്നത് എന്നു അവരും അതുവഴി എന്റെ ഭാവനയുടെയും idea യുടെയും ഉറവിടം കക്കൂസ് ആയി മാറിയത് എന്നു ഞാനും മനസിലാക്കുന്ന വരെ ഇതെല്ലാം തുടര്‍ന്നു പോന്നു.
അങ്ങനെയാണ് സൈക്കിള്‍ ഞങ്ങളെ സംബന്ധിച്ചിടത്തൊളം ഫോര്‍മുലാ 1 ആയത്. ആദ്യം സൈക്കിള്‍ ഉന്താനും, ക്രമേണ ഇടച്ചവിട്ടും ശേഷം കമ്പിയിലിരുന്നു ചവിട്ടും ഒക്കെയയായി പ്രായത്തിനും ശരീരത്തിനും മുമ്പേ പ്രകടനം നടത്താന്‍ ഞാന്‍ ശ്രദ്ധിച്ചിരുന്നു, ഇളയവര്‍ക്കു ശിക്ഷണവും നല്‍കിയിരുന്നു. വീട്ടുകാരുടെ ശ്രദ്ധയില്‍നിന്നും മാറി ഇതൊക്കെ ചെയ്യാന്‍ പ്രതാപികളുടെ അഹങ്കാരം ഇല്ലാഞ്ഞതിനാല്‍ ഞങ്ങള്‍ക്ക് പണിക്കരുടെയും അയല്‍ക്കരുടെയും സഹായവും ലഭിച്ചിരുന്നു. അങ്ങനെ നാട്ടിലെ അണുകുടുംബസന്തതികള്‍ BSA SLR എന്ന മുക്കാല്‍ സൈക്കിളില്‍ ചെത്തുമ്പോള്‍ പഴയകാല Harlee Dasvidson ആയ Rally സൈക്കിള്‍ ആയിരുന്നു ഞങ്ങളുടെ ആശ്രയം.അങ്ങനെ എങ്ങിനെയോ ഞാന്‍ സീറ്റില്‍ ഇരുന്നു ചവിട്ടാനുള്ള പ്രാപ്തി കൈവരിച്ചു. ജന്മനാ തന്നെ ബുദ്ധിയിലും ശരീര വളര്‍ച്ചയിലും പുറകിലായിരുന്നു എങ്കിലും സാഹസികതയിലും പൊട്ടത്തരത്തിലും അഗ്രഗണ്യനായിരുന്ന കൊണ്ട് എല്ലാവരും “0“ പോലെ പൂര്‍ണ്ണമായി ചവിട്ടുമ്പോള്‍ ഞന്‍ “റ” പോലെ വിട്ടു പിടിച്ചു ചവിട്ടുകയായിരുന്നു എന്നു മാത്രം. (സ്റ്റൈല്‍ അല്ലായിരുന്നു, കാലെത്തത്തില്ലാഞ്ഞതിനാല്‍ മാത്രമായിരുന്നു)
കാര്യം പ്രതാപികള്‍ ആയിരുന്നു എങ്കിലും, നാട്ടിലെ സധാരണക്കാരെ പോലെ തന്നെ ഞങ്ങള്‍ക്കും ഷഡ്ഡി എന്നത്, പേണ്ണൂങ്ങള്‍ ധരിക്കുന്ന ഒരു വസ്ത്രം (കടപ്പാട് - വനിതയിലെ angel form ന്റെ റോസ് നിറത്തിലുള്ള പരസ്യം) എന്നതില്‍ കവിഞ്ഞു അറിവുണ്ടായിരുന്നില്ല. പോരാത്തതിനു Ditty, tantex മുതലായ പരസ്യങ്ങള്‍ തുടങ്ങാ‍ന്‍ പിന്നെയും വര്‍ഷങ്ങള്‍ എടുത്തു. ആണുങ്ങള്‍ എപ്പോളും സ്വതന്ത്രര്‍ ആയിരിക്കണം എന്നും വയസായാല്‍ ഒരു താങ്ങിനുള്ളതാണ് അപ്പൂപ്പന്മാര്‍ ഉപയോഗിക്കുന്ന അണ്ടര്‍ വെയര്‍ എന്നുമാണ് അന്ന് ഞങ്ങളുടെ അറിവ്. അല്ലെങ്കിലും നിക്കറില്‍ നിന്നും മുണ്ട് അഥവാ കൈലിയിലേക്കു മാറി ചേട്ടായി ആകാനുള്ള പ്രയാണത്തില്‍ അതിനു നമ്മള്‍ പുല്ലു വില പോലും കൊടുത്തില്ല. അങ്ങനെ അമ്മ ഓണത്തിനു വാങ്ങി തന്ന കൊച്ചുമുണ്ടുമുടുത്ത് മോഹന്‍ലാല്‍ ആറാം തമ്പുരാനില്‍ ബുള്ളെറ്റില്‍ നിന്നും ഇറങ്ങുന്ന പോലെ കാലു പുറകോട്ട് വീശി ഇറങ്ങിയും, കള്ളുചെത്തുകാരെ പോലെ മുമ്പില്‍ കൂടി കയറിയും world of sports ല്‍ ബൈക്ക് ജംബിങ്ങ് കണ്ട് പ്രജോതിതനായി ഇഷ്ടികയുടെ മുകളില്‍ പലക വച്ച് Rally Davidson ചാടിച്ചും ആശ തീര്‍ത്ത് സ്പീഡ് ക്യാമറ ഇല്ലാത്തതിനാല്‍ ഹൈ സ്പീഡില്‍ തന്നെ ഇളയവരുടെ മുമ്പില്‍ വിലസുകയും അവരുടെ ദൈന്യതയാര്‍ന്ന അപേക്ഷകളില്‍ കരളലിഞ്ഞ് അവരെ കുറെശ്ശെ പഠിപ്പിക്കുകയും ചെയ്തു രസിച്ചിരുന്ന കാലത്താണ് അത് സംഭവിച്ചത്.
സാഹസികത മൂര്‍ച്ച കൂടുന്ന സമയങ്ങളില്‍ (സാധാരണ നട്ടുച്ചക്ക്) അതിരാത്രം സിനിമയില്‍ മോഹന്‍ലാല്‍ പോലീസ് മമ്മൂട്ടി കള്ളനെ ഓടിക്കുമ്പോള്‍ സ്ലോ മോഷനില്‍ ഓടുന്നതും ചാടുന്നതും ടെക്നിക് ആണെന്നറിയാതെ പരീക്ഷിച്ചിരുന്ന ഞങ്ങള്‍ പാലത്തില്‍ നിന്നും തോട്ടിലേക്ക് സ്ലോ മോഷനില്‍ ചാടാന്‍ പരിശീലനം തുടങ്ങിയ കടവ് ഒരു കെണിയായത്. വയസന്മാര്‍ക്കും യുവാക്കള്‍ക്കും, തോളത്തു തത്തുമിരുപന്തുകള്‍ മാറത്തിട്ട കീറത്തോര്‍ത്തിലൊതുങ്ങിയില്ല എന്ന കാവ്യ വചനം മറഞ്ഞു കണാനുള്ള അവസരമൊരുക്കി ആന്റിമാര്‍ ചേച്ചിമാര്‍ ഒക്കെ കുളി, നന മുതലായ കാര്യങ്ങള്‍ നടത്തിയിരുന്ന കടവാണതെങ്കിലും പ്രായപൂര്‍ത്തി ആകാഞ്ഞതിനാല്‍ അങ്ങോട്ടു നോക്കി പിഴച്ചതല്ല. ലുങ്കിയും ഉടുത്ത് കാല്‍ എത്താത്ത സൈക്കിളില്‍ അമിതവേഗതയില്‍ വന്ന എന്റെ ലുങ്കി, ഏതോ ഒരു പെണ്‍കുട്ടിയുടെ പ്രാര്‍ഥന കേട്ടിട്ടെന്നപോലെ, മുമ്പില്‍ നിന്നും വന്ന കാറ്റില്‍ സൈഡിലേക്ക് മാറി പോവുകയും വൈര്യമുത്തു കാത്തുസൂക്ഷിക്കുന്ന കരിമൂര്‍ഖന്റെ ശൌര്യത്തോടുകൂടെ ഒരു കൈ വിട്ട് ഞാന്‍ മാനം മറച്ചതും ജന്മനാ കിട്ടിയ Reflex action മൂലമായിരുന്നു. അതിന്റെ ആശ്വാസ നിശ്വാസമെടുക്കും മുമ്പെ ഒരു കൊച്ചു കല്ലില്‍ കയറിയ സൈക്കിളിന്റെ ഹാന്‍ഡില്‍ ഒരു വശതേക്കു തിരിഞ്ഞത് എന്റെ reflex action നെ തോല്പിക്കുന്ന വേഗത്തിലായി പോയി. മുണ്ടില്‍ നിന്നും മാനത്തില്‍ നിന്നും പിടിവിട്ട് സൈക്കിളില്‍ പിടിച്ചെങ്കിലും സൈക്കിള്‍ പാലത്തിന്റെ സൈഡിലെ തിട്ടയില്‍ ഇടിക്കുകയും Newton ന്റെ every action has an equel and opposit reaction എന്ന സിദ്ധാന്തപ്രകാരം പുറകോട്ടു വരുകയും ചെയ്തു.വീണ്ടും ആ സിദ്ധാന്തം ശരിയാണന്ന് പ്രൂവ് ചെയ്തുകൊണ്ട് (ആറ്റം ബോംബിന്റെ chain reaction പോലെയാണോ ആവോ) പുറകോട്ടു വന്ന സൈക്കിളിന്റെ opposit reaction ല്‍ ഞാന്‍ തോട്ടിലേക്കു പറക്കുകയും ചെയ്തു. മുട്ടൊപ്പം വെള്ളത്തില്‍ വട്ടകല്ലുകള്‍ക്കു മുകളിലായാണു വീണതെങ്കിലും horizontal ആയി പറന്നതു കൊണ്ടും, bornvita, boost, complan ഇതൊക്കെ ഞങ്ങള്‍ക്ക് പരസ്യം മാത്രവുമായിരുന്നത് കൊണ്ടും ഞാന്‍ സാമാന്യം കനം കുറഞ്ഞവനാകയാല്‍ പ്രകടമായ ഒന്നും സംഭവിക്കാതെ വെള്ളത്തില്‍ പരന്നു വീണു. (ഇടക്കുള്ള കയ്യാല കമന്നു വന്ന എന്നെ തിരിച്ചിട്ടതിന്റെ ഫലമായി പിന്നീടു വന്ന കര്‍ക്കിടകങ്ങളില്‍ ആറാംവാരിക്കു ചെറിയ വേദന തന്നിരുന്നു എന്നു മാത്രം). ഉച്ചയുറക്കത്തിനു ശേഷം മുഖം കഴുകിയപ്പോള്‍ ഉന്മേഷവാനായ പോലെ വെള്ളത്തില്‍ വീണ ഞാന്‍ ചാടിയെഴുന്നേറ്റപ്പോള്‍ ഓടിയടുക്കുന്ന ചേച്ചിമാരെയും, ആന്റിമാരെയും കണ്ട് ഒരു നിമിഷം ചിന്തിച്ചു. മറുനിമിഷം വീട്ടില്‍ നിന്നും ഇതറിഞ്ഞാല്‍ കിട്ടുന്ന അടിയും ഓര്‍ത്തു. എന്തു പറ്റിയാലും ആദ്യം ഒരടി തരുക എന്ന പഴയ സമ്പ്രദായം അപ്പോളും വീട്ടില്‍ ‍നിലനിന്നിരുന്നു. ഒരടികിട്ടിയാലും അവരുടെ തലോടലിനായി കിടക്കാനുള്ള പ്രായം ആകാഞ്ഞതിനാല്‍, കബടി, കുടുകുടു തുടങ്ങിയ കളികളിലുള്ള പ്രഗല്‍ഭ്യം ഉപയോഗിച്ച് ഞാന്‍ അവിടെ നിന്നും വീണ്ടും പറന്നു. ഏറ്റു നിന്നു തൂറ്റാന്‍ ഏക്കമില്ലാതിരുന്ന എന്റെ കസിനെ സൈക്കിള്‍ ഉന്താന്‍ നല്‍കാം എന്ന പ്രലോഭനം നല്‍കി വേറെ ഡ്രെസ്സ് എടുത്തതിനാല്‍ വീട്ടില്‍ ഒരാഴ്ചത്തേക്ക് സംഭവം അറിഞ്ഞതേയില്ല. അറിഞ്ഞപ്പോളേക്കും ആറിയ ചായ പഴംചാ‍യ ആയതിനാല്‍ അടിയും കിട്ടിയില്ല.

4 comments:

Unknown June 17, 2008 at 4:00 PM  

2post um vayichu. expect cheythathilum nallatha.thudakakarante chammal onnum ella. kurachu koodea chirikanulla vaka venam.All the best.

Anonymous August 20, 2008 at 1:43 PM  

rally cycle alla. it is "Raleigh" :D .
then , I am from Vilakkumadom ,Mallikaserry too.

MMS ? it is KMS - Kalapurakkal motor service.
even remembers roadlines bus service that time.
now in Muvattupuzha.

Sinochan August 21, 2008 at 10:11 AM  

Thanks for the comments, KMS ennezhuthi avarkoru feeling undavenda ennu karuthi anu MMS akkiyathu. Even before Roadlines, there was Angel bus with a particular grill. And that was the only other private bus.
Then Raleigh, to be frank i was not aware of the spelling mistake. I was very young at that time and also Malayalam medium.
ALso there are lot of mistakes in malayalam. I am still learning to write malayalam properly in computer.
Anyway thank you very much for the comments.
How did you got this site?

-Prinson- November 18, 2008 at 11:36 AM  

ഇതു കൊള്ളാം. :) വളരെ ഇഷ്ടപെട്ടു.


Jaalakam

ജാലകം

About This Blog

Lorem Ipsum

  © Blogger templates Inspiration by Ourblogtemplates.com 2008

Back to TOP