ഞാനൊരു പാവം പാലാക്കാരന്‍

കോക്കുവിന്റെ പിറന്നാള്‍

>> Saturday, January 24, 2009



നിങ്ങള്‍ക്കെല്ലാവര്‍ക്കും എന്റെ മുത്തായി...ഇന്നെന്റെ ഹാപ്പി ബര്‍ത്ത്ഡേ ആണ്. ഞാനീ മനോഹരലോകത്തു വന്നിട്ട് ഒരു വര്‍ഷമായി. എഴുന്നേറ്റു നില്‍ക്കാറായി, വര്‍ത്തമാനം പറയുന്നുണ്ടെങ്കിലും ആര്‍ക്കും മനസിലാവുന്നില്ല. അമ്മിഞ്ഞപ്പാലിന്റെ മണവും രുചിയും ഇപ്പോളും പ്രിയപ്പെട്ടത് എങ്കിലും ലോകത്തിന്റെ രുചികളിലേക്കും ഞാനിറങ്ങിയിരിക്കുന്നു.




ചാച്ചേ...കള്ളാ..ഭയങ്കരനാ കേട്ടോ... എന്നെ പറ്റിച്ചു അല്ലേ?.. ഇനി ഈ ജന്മത്ത് എന്റെ ഒന്നാം പിറന്നാള്‍ ആഘോഷിക്കാന്‍ സാധിക്കാതെ വരട്ടെ എന്നു ഞാന്‍ ശപിച്ചിരിക്കുന്നു.



ഫോണില്‍ക്കൂടിയുള്ള ഉമ്മയും ചക്കരവാക്കും വേണ്ടാ എനിക്ക്. ദിവസവും മൂന്നാലു പ്രാവശ്യം ഫോണ്‍ ചെയ്യുന്ന കാശുണ്ടെങ്കില്‍ എന്റെ ഹാപ്പി ബര്‍ത്ത്ഡേക്ക് വരാരുന്നല്ലോ?




അമ്മേടെ കൂടെ ഞാനും ഇന്നലെ കൊന്ത ചെല്ലി. എന്നെക്കൊണ്ട് ഒത്തിരി പ്രാര്‍ത്ഥിപ്പിച്ചാല്‍ ഞാന്‍ വല്ല പള്ളീലച്ചനും ആയിപ്പോകുമേ...




എന്റെ വല്ല്യപ്പനും വല്ല്യമ്മയും വാങ്ങിത്തന്ന സമ്മാനം കണ്ടോ? എനിക്കറിയാം ചാച്ചക്കും ഒത്തിരി ഇഷ്ടമുള്ളതായിരുന്നു ഇതെന്ന്. പക്ഷെ ഈ വണ്ടിപ്രാന്തന്‍ ചേട്ടന്‍ ഒന്നു മാറിയിട്ടു വേണ്ടേ എനിക്കു കിട്ടാന്‍?




പക്ഷെ ഞാനാരാ മോന്‍..? ചേട്ടനെ അപ്ഗ്രേഡ് ചെയ്ത് ഇതേലോട്ടാക്കി ഒരു പൊട്ടക്കണ്ണാടിയും കൊടുത്തു. എങ്കിലല്ലേ എനിക്കൊന്ന് ഓടിക്കാന്‍ പറ്റൂ? പക്ഷെ പുള്ളിക്കാരന് സ്റ്റാര്‍ട്ട് ചെയ്തു കൊടുക്കണം. പെട്രോളിനു വിലകുറഞ്ഞെന്നൊക്കെ പറഞ്ഞാലും ചിലവ് ഇത്തിരി കൂടുതലാ....




ഞങ്ങളൊക്കെ ഇവിടെ കേക്കു മുറിക്കുമ്പോള്‍ അവിടെ മുങ്ങാന്‍ പോകുന്ന സൂര്യനേം നോക്കി ആ നിമിഷങ്ങള്‍ ഒക്കെ സ്വപ്നം കണ്ടോ കെട്ടോ...



ചാച്ച സങ്കടപ്പെടണ്ടാ...ചാച്ചേടേ മനസില്‍ ഇതിലും വലിയ രൂപങ്ങളായി ഞങ്ങളോക്കെയുണ്ടെന്ന് അമ്മ പറഞ്ഞുതന്നിട്ടുണ്ട്. ഞങ്ങളെ 10 ദിവസത്തിനുള്ളില്‍ ചാച്ചേടെ അടുത്തു കൊണ്ടുപോകാം എന്ന് അമ്മ പറഞ്ഞു. കാത്തിരുന്നോ കേട്ടോ...

2 comments:

പകല്‍കിനാവന്‍ | daYdreaMer January 24, 2009 at 10:37 PM  

കൊള്ളാം പടങ്ങളും അതിനുള്ള എഴുത്തും... പിറന്നാളാശംസകള്‍....

Anonymous January 31, 2009 at 10:24 PM  

When I go to this photos I felt some heart touching feelings...Nice photos...& Kokku is sooo sweet...
Belated Birthday Wishes to Kokku...


Jaalakam

ജാലകം

About This Blog

Lorem Ipsum

  © Blogger templates Inspiration by Ourblogtemplates.com 2008

Back to TOP